Şəhid olmağı özünə şərəf bilən hər kəsin daxilində yüksək vətənpərvərlik, cəsurluq, müsbət əxlaq, əqidə vardır. Elə buna görə də onlar şüurlu şəkildə ölümü gözə ala bilirlər. Belə şəhidlərdən biri də Rafiq Məcidovdur.

Məcidov Rafiq Rasim oğlu 2 iyul 1996-cı ildə Xızı Rayon Giləzi kəndində anadan olub.

O, Vətən müharibəsində torpaqlarımızın işğaldan azad olunmasında igidlik göstərərəkFüzuli, Cəbrayıl, Xocavənd, Şuşa-nın azad olunması uğrunda gedən döyüşlərdə iştirak edib. Şuşanın azad olunmasında fəal iştirak edib. 9 noyabrda Şuşa şəhərinin azad olunması uğrunda gedən döyüşlərdə həlak olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Rafiq Məcidov ölümündən sonra "Vətən uğrunda", "Cəsur döyüşçü", "Xocavəndin azad olunmasına görə" və "Füzulinin azad olunmasına görə" medallları ilə təltif olunub.