Əsədov Əli Bayram oğlu 2000-ci il mayın 27 -də Ağcabədinin Təzəkənd kəndində anadan olub.
2007-ci ildə kənddəki orta məktəbin birinci sinfinə daxil olub, 2017-ci ildə uğurla başa vurub. 2017-ci ilin iyul ayında hərbi xidmətə yollanıb.
2018-ci ilin axırlarında ordu sıralarında hərbi xidməti başa vurub, doğma kəndlərinə qayıdıb.2020-ci ilin sentyabrının əvvəllərindən könüllü olaraq orduda müddətdən artıq hərbi qulluqçu kimi xidmət etməyə başlayıb. Vətən müharibəsinin ilk günündən ön cəbhənin döyüşçüləri sırasında vuruşub. Əli oktyabr ayının 11-də şəhidlik zirvəsinə ucalıb.
Cəmi 21 yaşı olan Vətən fədaisi Əsədov Əli Bayram oğlu ömrünün bulaq kimi çağlayan dövründə şəhidlik zirvəsini fəth etdi. 11 oktyabr 2020-ci il tarixində göz açdığı doğma kəndlərinin qəbristanlığıda torpağa tapşırıldı. Əbədiyyətə qovuşdu.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamlarına əsasən Əli Əsədov ölümündən sonra "Vətən Uğrunda", "Füzulinin azad olunmasına görə", "Xocavəndin azad olunmasına görə"və"Cəsur döyüşçü" medalları ilə təltif edilib.
