44 gün davam edən Vətən Müharibəsi nəticəsində Azərbaycan öz dədə-baba torpaqlarını mənfur düşməndən xilas etdi. Torpaqlarımızın işğaldan azad edilməsində Azərbaycanın vətənpərvər oğulları canlarından keçdilər. Vətən Müharibəsində şəhid olmuş qəhrəmanlarımızdan biri də Fəxrəddin Fərəcovdur. Fəxrəddin Feyzulla oğlu Fərəcov 1993-cü ildə Xaçmaz rayonunun Xudat şəhərindən anadan olub.
28 yaşlı Fəxrəddin Vətən müharibəsində Cəbrayıl, Füzuli, Hadrut və Xocavəndin azad olunması uğrunda qəhrəmanlıqla döyüşüb. Qorxmaz döyüşçü oktyabrın 23-də Xocavənd istiqamətində şəhidlik zirvəsinə ucalıb.
Müddətdən artıq həqiqi hərbi xidmət qulluqçusu olan kiçik çavuş Fərəcov ölümündən sonra “Xocavəndin azad olunmasına görə”, "Döyüşdə fərqlənməyə görə", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə" medalları medalı ilə təltif edilib.
Vətən müharibəsində torpaqlarımızı işğalçılardan azad edərkən şəhidlik zirvəsinə ucalan xaçmazlı Fəxrəddin Feyzulla oğlu Fərəcovun 2021-ci ilin 20 aprelində oğlu dünyaya gəlib. Şəhidin həyat yoldaşı Xəyalə Fərəcova yeni doğulan körpəyə qəhrəman atasının adını verib. Körpə Fəxrəddin ailənin ikinci övladıdır. Şəhidin digər oğlu Ümidin isə bir yaşı var. Şəhid övladının zəruri xərcləri “YAŞAT” Fond tərəfindən qarşılanıb. Bu məqsədlə 1000 AZN anaya təqdim edilib və dünyaya yeni göz açan körpənin adına 5000 AZN-lik hesab açılıb.
