Emil Əziz oğlu Əliyev 1993-cü il avqustun 1-i Sumqayıt şəhərində anadan olub. 2000-2011-ci illərdə Sumqayıtda yerləşən Tofiq İsmayılov adına 29 saylı tam orta məktəbdə təhsil alıb. Daha sonra, Azərbaycan Dövlət Aqrar Universtetinin Energetika fakültəsinə daxil olub. 2015-ci ildə məzun adın qazandıqdan sonra müddətli hərbi xidmətə yollanıb. Emil 2016-cı ilin Aprel döyüşlərində iştirak edərək böyük şücaət göstərib.
Vətən müharibəsi başlayanda Emil ailəsini, işini, karyera arzularını bir qırağa qoyub könüllü olaraq Qarabağa savaşmağa gedib. Müxtəlif istiqamətlərdə döyüşlərə qatılan qəhrəmanımız ən son oktyabrın 6-da Füzuli və Cəbrayıl rayonları uğrunda adını tarixə yazaraq şəhidlik zirvəsinə ucalıb. Emil Əliyev Sumqayıt şəhər Şəhidlər Xiyabanında böyük coşqu ilə torpağa tapşırılıb.
Azərbaycan Respublikasının Prezidenti İlham Əliyevin Sərəncamlarına əsasən şəhidimiz ölümündən sonra "Füzulinin azad olunmasına görə" və “Vətən uğrunda” medalları ilə təltif edilib.
