2021/04/Scree-1619692781.jpg

line
Soyad: Ramazanov
Ad: Fərid
Ata adı: Ömər
Doğum tarixi: 23.12.1991
Şəhid olub: 10.10.2020
Rütbə: Gizir
Təltifləri
«Azərbaycan Bayrağı» ordeni«Vətən uğrunda» medalı
Fərid Ömər oğlu Ramazanov 1991-ci il dekabrın 23-də Qax rayonunun Qum kəndində anadan olub. 1998-2009-cu illərdə Z. Müslümov adına Qum кənd orta məкtəbində təhsil alıb. Ailəli idi, bir oğlu yadigar qaldı.

Fərid Ramazanov 2009-2011-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. Hərbi xidmətini başa vurduqdan bir müddət sonra Silahlı Qüvvələrin TTM-də gizir hazırlıq təlimlərini bitirib. "Gizir" hərbi rütbəsi aldıqdan sonra isə hərbi xidmətinə davam edib. 2018-ci ilin yanvarından Azərbaycan Silahlı Qüvvələri "N" saylı hərbi hissəsində Taqım Komandirinin müavini vəzifəsində çalışırdı.

Azərbaycan Ordusunun giziri olan Fərid Ramazanov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə savaşıb.

29.09.2020-ci il tarixində Ağ uçuq istiqamətində gedən döyüşlərdə fəal iştirak etmişdir. Tağımı ilə birlikdə düşmənin əlaqə yollarına nəzarət edərək, bölmələrimizin sərbəst hərəkətinə şərait yaratmış, hücum edən düşməni geri çəkilməyə məcbur etmişdir. 03.10.2020-ci il tarixində Suqovuşan uğrunda gedən döyüşlərdə fədakarlıq göstərərək verilən tapşırığı uğurla həyata keçirmişdir. 10.10.2020-ci il tarixində Suqovuşan istiqamətində düşmən mövqeyinə hücum zamanı düşmənin bir neçə hərbi qulluqçusunu məhv etmişdir.

Fərid Ramazanov oktyabrın 10-da Suqovuşan döyüşləri zamanı şəhid olub. Qax rayonundə dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Fərid Ramazanov ölümündən sonra "Vətən uğrunda" medalı ilə təltif edildi.

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən Fərid Ramazanov ölümündən sonra "Azərbaycan Bayrağı" ordeni ilə təltif edildi.