Cəmil Fikrət oğlu Xələfov 1997-ci il fevral ayının 25-də Quba rayonunun Nərimanabad kəndində anadan olub. O, 2015-2016-cı illərdə Azərbaycan Silahlı Qüvvələrinin "N" saylı hərbi hissəsində müddətli həqiqi hərbi xidmətdə olub. Cəmil orduda kəşfiyyatçı-müşahidəçi kimi xidmət aparıb.

Azərbaycan Ordusunun qəhrəman döyüşçüsü Cəmil Xələfov 2020-ci il sentyabrın 27-də Ermənistan işğalı altında olan ərazilərin azad edilməsi uğrunda başlanan Vətən müharibəsi zamanı Füzuli uğrunda gedən döyüşlərdə savaşıb. Cəmil oktyabrın 5-də Füzulinin Alxanlı kəndinin azad olunması zamanı qəhrəmancasına şəhid olub.

Azərbaycan Respublikasının Prezidenti İlham Əliyevin sərəncamına əsasən ölümündən sonra "Füzulinin azad olunması medalı", “Vətən uğrunda medalı" ilə təltif edilib.

memorial.az