Elxan Fəxrəddin oğlu Tağıyev 1990-ci il fevralın 26-da Goranboy rayonunun Fəxralı kəndində anadan olub. 1997-2007-ci illərdə T. Sadıqov adına Faxralı kənd tam orta məktəbində təhsil alıb. 2008-2010-cu illərdə müddətli hərbi xidmətdə olub. 2016-cı ilin 15 oktyabr tarixindən Beyləqan rayonunda N saylı hərbi hissədə MAXE hərbi qulluqçu kimi xidmətə başlamışdır. Ailəli idi. İki övladı var.
Azərbaycan Ordusunun MAXE hərbi qulluqçusu olan Elxan Tağıyev Suqovuşan kəndinin azadlığı uğrunda gedən döyüşlər zamanı düşmən mövqeyinə basqın edən zaman əl qumbarası vasitəsilə düşmənin 5-ə yaxın canlı qüvvəsini məhv edib. Yaralı olmasına baxmayaraq döyüş meydanından çıxmaqdan imtina etmişdir və qəhrəmancasına şəhid olmuşdur (01.10.2020).
Azərbaycan Respublikasının Prezidenti İlham Əliyevin sərəncamlarına əsasən ölümündən sonra "Vətən uğrunda" və "Suqovuşanın azad olunmasına görə" medalları ilə təltif edilib.
