Sənan Fikrət oğlu Səmədli 27 dekabr 1997-ci ildə Yevlax rayonu Kolani kəndində anadan olub. Müharibə zamanı özüyeriyən artilleriya taqımının top komandiri kimi hərbi xidmətini yerinə yetirib. Tərtər rayonun Dəmirçi kəndi istiqamətində döyüş yolu keçib. Suqovuşan istiqamətində gedən döyüşlərdə top komandiri kimi verilən hədəflərin susdurmasında fəal iştirak edib.

30 sentyabr 2020-ci ildə Tərtər rayonu Dəmirçi kəndi ərazisində döyüş tapşırığını yerinə yetirərkən şəhid olub.

Prezident İlham Əliyevin müvafiq sərəncamları ilə “İgidliyə görə” medalı, “Vətən uğrunda” medalı, “Suqovuşanın azad olunmasına görə” medalları ilə təltif olunub.