Zeynalov Əlisəfa Elşad oğlu 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. 27.09.2020-ci il tarixində gülüstan istiqamətində sürücüsü olduğu döyüş maşınında dəqiq manevrlər edərək düşmən obyektlərinin məhv edilməsində böyük rolu olmuşdur. Döyüşlərdə qəhrəmancasına şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Əlisəfa Zeynalov ölümündən sonra "Vətən uğrunda" medalı ilə təltif edildi.