2021/05/413px-1620047706.jpg

line
Soyad: Adışov
Ad: Qüdrət
Ata adı: Rahim
Doğum tarixi: 26.07.1998
Şəhid olub: 28.09.2020
Rütbə: əsgər
Təltifləri
«Vətən uğrunda» medalı«İgidliyə görə» medalı«Xocavəndin azad olunmasına görə» medalı«Ağdamın azad olunmasına görə» medalı
Qüdrət Rahim oğlu Adışov 26 iyul 1998-ci ildə Yardımlı rayonunun Ostayır kəndində anadan olub. Sonra ailəsi ilə birgə Bakı şəhərinin Zabrat qəsəbəsinə köçüb.



Orta təhsilini Zabrat qəsəbəsində alan Qüdrət 2016-cı ildə Bakı Biznes Universitetinin iqtisadiyyat fakültəsinə daxil olub. O, həmçinin ASAN xidmət könüllüsü olaraq çalışıb. "FotoMən 2" və digər layihələrdə aktiv iştirak edib. Qüdrət Adışov Cəfər Cabbarlının "Vəfalı Səriyyə" pyesində molla obrazını canlandırıb. Qüdrət, həm də pianoda çox gözəl ifa edirdi.



Universiteti müvəffəqiyyətlə başa vurduqdan sonra 7 iyul 2020-ci ildə həqiqi hərbi xidmətə yollanıb. Qüdrət 2020-ci il sentyabrın 27-də başlayan Vətən müharibəsində iştirak edib, Tərtər istiqamətində gedən döyüşlərdə vuruşub. 28 sentyabr 2020-ci ildə Goranboy istiqamətində döyüş tapşırığını icra edərkən şəhid olub. 2 oktyabr 2020-ci ildə Zabrat qəsəbəsində yerləşən Zabrat-1 qəbristanlığında torpağa tapşırılıb.



Qüdrət şəhadətindən sonra ölkə başçısının müvafiq Sərəncamları əsasında "Vətən uğrunda" , "İgidliyə görə" , "Xocavəndin azad olunmasına görə " və "Ağdamın azad olunmasına görə" medalları ilə təltif edilib.