Röyal Qulam oğlu İbrahimov 19 fevral 2002-ci il Lənkəran şəhəri, Vel kəndində anadan olub. Röyal İbrahimov 2020-ci ilin iyulunda həqiqi xidmətə yollanıb. Azərbaycan Ordusunun əsgəri olan Röyal İbrahimov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başladılan Vətən müharibəsində savaşıb. Noyabrın 2-də şəhidlik zirvəsinə yüksəlib. Şəhid Röyalın nəşi noyabrın 6-ı Lənkəran şəhəri, Vel kəndində dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Röyal İbrahimov ölümündən sonra "Vətən uğrunda", "İgidliyə görə", "Ağdamın azad olunmasına görə" medalları ilə təltif edilib.
