Tural Rauf oğlu Həsənov 1997-ci il iyun ayının 15-də Qaradağ rayonunun Sahil qəsəbəsində anadan olub. 2003-cü ildən Qaradağ rayonunun Ümid qəsəbəsindəki 294 saylı orta məktəbdə oxuyub, 2014-cü ildə həmin məktəbi bitirib. Elə həmin il Tural Lənkəran Dövlət Universitetinin İngilis dili (tərcüməçi) fakültəsinə qəbul olub. 2018-ci ildə məzun adını alıb. Əslən Laçın rayonunun Mişni kəndindən olan sakit təbiətli, mehriban, böyük-kiçik yeri bilən bu gənc oğlan hamının hörmətini qazanmışdı.
2018-ci ilin iyul çağırışında hərbi xidmətə gedib, 2019-cu ildə tərxis edilib. 2020-ci il sentyabr ayının 21-də Tural Səfərbərlik xidmətinin çağırışı ilə hərbi Vətəni qorumağa yollanıb. 2020-ci il dekabr ayının 30-da Xocavənd yolunda xidməti maşında minaya düşərək şəhid olub. Şəhidımız 31 dekabr 2020-ci ildə Qaradağ rayonunun Ümid qəsəbəsində dəfn edilib.
Tural Həsənov Füzuli, Cəbrayıl və Şuşanın azad olunmasında iştirakına görə "Vətən uğrunda" , «Cəbrayılın azad olunmasına görə», «Füzulinin azad olunmasına görə», "Şuşanın azad olunmasına görə" medalları ilə təltif edilib.
