Bakı şəhəri 51 nömrəli ümumi orta tam məktəbi bitirib. Arzusu tanınmış futbolçu olmaq idi.

2019-cu ildə həqiqi hərbi xidmətə yollanıb. 27 sentyabr 2020-ci ildə başlayan Vətən Müharibəsində iştirak edib. Əsgər Rəvan Quliyev oktyabrın 25-də Füzuli döyüşləri zamanı şəhid olub və Neftçala rayonunun Astanlı kənd qəbiristanlığında dəfn edilib.

Döyüşlərdə göstərdiyi qəhrəmanlıqlara görə ölümündən sonra "Vətən uğrunda" , "Cəsur döyüşçü" , "Xocavəndin azad olunmasına görə" və "Füzulinin azad olunmasına görə" medalları ilə təltif olunub.