Cabbarov Əli Baba oğlu 2002-ci il yanvarın 8-də Bakının Binəqədi rayonunun Binəqədi qəsəbəsində anadan olub.
2008-2019-cu illərdə Binəqədi rayonu 182 nömrəli tam orta məktəbdə təshil alıb.
Elə həmin il Bakı Humanitar Kollecinə daxil olub.
2020-ci il yanvar ayında hərbi xidmətə çağırılıb və həmin ayın 14-də hərbi xidmətə yola düşüb.
Bir müddət xidmət etdikdən sonra 2020-ci il 27 sentyabr tarixində başlamış əks-hücum əməliyyatında ağır döyüşlərdə iştirak edib. Füzuli və Xocavənd rayonları istiqamətində gedən döyüşlərdə iştirak edib, şücaət göstərib. Oktyabr ayının 27-də Xocavənd rayonu istiqamətində gedən ağır döyüşlərdə qəhrəmancasına şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamına əsasən Cabbarov Əli ölümündən sonra “ Vətən uğrunda ”, “ Fizulinin azad olunmasına görə” , “ Xocavəndin azad olunmasına görə ” medalları ilə təltif olunub.
