Vüsal Novruz oğlu Allahverdiyev 25 iyul, 2002-ci ildə Samux rayonunun Qarayeri qəsəbəsində dünyaya göz açıb. Torpaqlarımızın azadlığı uğrunda şəhid olan ən gənc əsgərlərdən biridir. Vüsalın 18 yaşı yenicə tamam olmuşdu...
Orta məktəbi bitirdikdən sonra Vüsal Allahverdiyev 2020-ci ilin iyul ayında hərbi xidmətə yollanıb.
2 ay sonra, sentyabrın 27-də Vətən müharibəsinə qoşulan əsgər Vüsal döyüşlərə Xocavənd rayonu istiqamətində başlayıb. Füzulinin azadlığı uğrunda qəhrəmancasına döyüşüb.
Vüsal Allahverdiyev 2020-ci il, noyabrın 6-da Xocavənd istiqamətində döyüşlərdə şəhid olub.
Azərbaycan Prezidenti İlham Əliyevin sərəncamlarına əsasən Vüsal ölümündən sonra "Füzulinin azad olunmasına görə", "Xocavəndin azad olunmasına görə" və "Vətən uğrunda" medalları ilə təltif edilib.
