Azər Vətən müharibəsində iştirak edərək. Füzuli, Cəbrayıl və Xocavəndin azadlığı uğrunda gedən döyüşlərdə vuruşub. 15 oktyabr 2020-ci ildə Xocavənd istiqamətində döyüş tapşırığını yerinə yetirərkən ağır yaralanıb və xəstəxanaya yerləşdirilib. Uzun müddət koma vəziyyətində qalan Azər Əliyev 28 yanvar 2021-ci ildə müalicə aldığı xəstəxanada dünyasını dəyişib. Bir gün sonra doğulduğu Yuxarı Qiyaməddinlidə torpağa tapşırılıb.

Vətən borcunu şəhadəti ilə ödəyən Azər ölümündən sonra " Vətən uğrunda" , "Xocavəndin azad olunmasına görə", "Vətən müharibəsi iştirakçısı" və “Cəsur döyüşçü” medalları ilə təltif edilib.

Şəhidimizin özündən sonra azyaşlı qızı Nəzrin Vətənə yadigar qalıb. 2021-ci ilin aprelində Azərin 2-ci övladı dünyaya gəlib. Yeni doğulan körpəyə atasının istəyilə "Əli" adını qoyublar. Kənd küçələrindən birinə Azərin adı verilib. Bundan başqa, həmin kənddə onunla birgə iki şəhid - Sahil Məmmədov və Sənan Miriyevin də xatirəsi əbədiləşdirilərək abidə ucaldılıb.