Vətən Müharibəsinin qəhrəman şəhidlərindən biri də Elsevər Etibar oğlu İbrahimovdur. Elsevər 6 noyabr 1999-cu ildə Şəki rayonu Aşağı Genyaq kəndində anadan olub. Elsevər müharibənin ilk günlərində döyüş bölgəsinə yollanıb. Füzuli, Qubadlı və Şuşa şəhərlərinin işğaldan azad edilməsində iştirak edib. O, 9 noyabrda Şuşa istiqamətində gedən döyüşlərdə şəhid olub.
Ölümündən sonra Prezident İlham Əliyevin müvafiq sərəncamları ilə Elsevər Etibar oğlu İbrahimov “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif edilib.
