Azərbaycan üçün önəmli olan Qarabağ münaqişəsi 30 ildən sonra öz həllini tapdı. Deyirlər, torpaq uğrunda ölən varsa, Vətəndir! Qarabağı azadlığa qovuşduran isə müqəddəs şəhidlik məqamına yüksələn neçə-neçə cəsur, mərd qəhrəmanlar oldu. Bu qəhrəmanlardan biri də Rəvan Məlikovdur.

Məlikov Rəvan Əliabbas oğlu 26 noyabr 1993-cü ildə Kürdəmirdə anadan olub. O, Vətən müharibəsində torpaqlarımızın işğaldan azad olunmasında igidlik göstərərək Cəbrayılın azad olunması uğrunda gedən döyüşlərdə iştirak edib. 01 oktyabrda 2020-ci ildə Cəbrayıl rayonunun Rüzügar kəndinin azad olunması uğrunda gedən döyüşlərdə həlak olub.

Azərbaycan Respublikasının Prezidenti İlham Əliyevin Sərəncamlarına əsasən Məlikov Rəvan Əliabbas oğlu ölümündən sonra "Vətən uğrunda” və "Cəbrayılın azad olunmasına görə" medalları ilə təltif olunub.