Rzaxanov Nihad Natiq oğlu-18 aprel 2001-ci ildə Bakı şəhəri Binəqədi rayonunda anadan olmuşdur. 2019-cu il aprel ayında həqiqi hərbi xidmətə çağırılıb. Hərbi xidmətini Ağcabədi rayonunda çəkib. 2020 -ci il oktyabr ayında hərbi xidməti başa çatmalı olsa da Vətən müharibəsi başlayan zaman könüllü olaraq gedir və qəhrəmancasına vuruşur. Şəhidin anası İradə xanımın sözlərinə görə, oğlu Nihad son dəfə anasına zəng edərək “Ana mən getdim” deyir və sağollaşır.
Nihad Zəfərə 4 gün qala noyabr ayının 6-sı səhər saat 11 radələrində Xocavənd istiqamətində hücuma keçərkən bir neçə əsgər yoldaşına kömək edir və nəticədə başından qəlpə yarası alaraq şəhidlik zirvəsinə ucalır.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nihad Rzaxanov ölümündən sonra "Vətən uğrunda" medalı ilə təltif edildi
Azərbaycanın Füzulinin rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Nihad Rzaxanov ölümündən sonra "Füzulinin azad olunmasına görə" medalı ilə təltif edildi.
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Nihad Rzaxanov ölümündən sonra "Xocavəndin azad olunmasına görə" medalı ilə təltif edildi.
