2002-ci ildə Qaxbaş kənd 2 saylı tam orta məktəbində 1-ci sinifə gedib. Orta təhsilini 2007-ci ilin 15 sentyabr tarixindən etibarən Qax rayonunda fəaliyyət göstərən Respublika Olimpiya İdman Liseyində davam etdirib. Əfəndi idmanın futbol növünə xüsusi maraq göstərib, bir çox idman yarışlarında fəxri fərman və medallarla təltif olunub.

2014-cü ildə həqiqi hərbi xidmətə başlayıb. Hərbi xidmətini Xocavənd rayonunda N saylı hərbi hissədə başa vuraraq 2016-cı ildə evlərinə qayıdır. Bir müddət mühafizəçi olaraq çalışır.

2020-ci ilin sentyabr ayında İkinci Qarabağ Müharibəsi başlayanda Əfəndi əlinə silah götürərək Vətənin müdafiəsinə qalxır. Əfəndi cəbhədə igidliklə vuruşub. Döyüş yoldaşları onun düşmənə qarşı mərdliklə, qəhrəmancasına vuruşduğunu deyirlər. Əfəndi Şuşa şəhəri uğrunda gedən döyüşlərdə noyabrın 9-da .2020-ci ildə şəhid olur. Şəhidimiz böyük izdihamla Qax şəhərində Şəhidlər Xiyabanında dəfn edilir.

İkinci Qarabağ Müharibəsində göstərdiyi şücaətə görə ölümündən sonra Ali Baş Komandan cənab İlham Əliyevin Sərəncamı ilə "Vətən uğrunda" medalı, "Cəsur döyüşçü" medalı və
"Şuşanın azad olunmasına görə" medalna layiq görülüb. Əfəndi kimi oğullarımızın göstərdiyi şücaət bu gün hər bir Azərbaycan gənci üçün örnəkdir.