Hacı Hacıyev: Şəhid olmaq ən böyük arzumdur!...

Şəhid Hacı Rafiq oğlu Hacıyev 1999-cu il sentyabr ayının 15-də Qax rayonunun Çüdüllü kəndində anadan olub. 2006-cı ildə Çüdüllü kənd ümumi orta məktəbinin 1-ci sinfinə daxil olub. Hacı orta məktəbdə ikən vətənpərvərliyi ilə seçilib - "Hacı bizə deyərdi ki, mən vətənim uğrunda canımdan keçməyə həmişə hazıram və şəhid olmaq ən böyük arzumdur!" , sinif yoldaşları belə deyir. 2016-2017-ci illərdə təhsilini Marsan kənd tam orta məktəbində başa vurub və hərbi xidmətə çağırılıb.

2020-ci il sentyabrın 27-də Ikinci Qarabağ müharibəsi başlayandan cəmi iki gün sonra Hacı könüllü olaraq cəbhəyə yollanıb. İşğal olunan rayonlarımızın, kəndlərimizin alınmasında yaxından iştirak edən Hacı Şuşa şəhərinin alınması zamanı, noyabr ayının 7-də qəhrəmancasına şəhid olub.

Hacı ölümündən sonra göstərdiyi qəhrəmanlıqlara görə “Vətən uğrunda” və “Cəsur döyüşçü” medalları ilə təltif edilib.