Xaləddin Vaqif oğlu Nəsibov 1997-cı il, iyulun 17-də Qazax rayonunun Qarapapaq kəndində anadan olub. 2020-ci ilin sentyabrın 27-də başlayan Vətən Müharibəsində torpaqlarımızın işğaldan azad edilməsi uğrunda igidliklə döyüşüb.
Xaləddin Nəsibov 2020-ci il, noyabrın 3-də Xocavənd istiqamətində gedən döyüşlərdə qəhrəmancasına Şəhadətə yüksəlib. Qazax rayonunda torpağa tapşırılıb.
Azərbaycan Prezidenti İlham Əliyevin Sərəncamlarına əsasən Xaləddin Nəsibov ölümündən sonra "Vətən uğrunda", "Xocavəndin azad olunmasına görə" və "Cəsur döyüşçü" medalları ilə təltif edilib.
