Qəşəm Səfərov 2004-cü ildə Yuxarı Qışlaq kənd orta məktəbinin birinci sinifinə daxil olub, 2012-ci ildə Naxcıvan şəhərində yerləşən Heydər Əliyev adına hərbi liseyin kursant adını qazanıb. 2015-ci ildə Bakıda Heydər Əliyev adına Azərbaycan Ali Hərbi Məktəbinə qəbul olub. 2016-cı ildə keçirilən Ordu birinciliyi krosunda birinci yerə layiq görülüb. 2017-ci ildə həqiqi hərbi xidmətə yollanıb.

2019-cu ildə Naxçıvan şəhərində keçirilən "Naxçıvan marafonu 2019" qaçış marafonunda birincilik əldə edib. 2020 -ci ilin avqust ayında yenidən orduya qayıdıb. O, Şahbuz rayonu "N" sayli hərbi hissədə MAHHXHQ (əsgər) kimi xidmətə başlayır. Sentyabrın 27-də başlayan İkinci Qarabağ müharibəsində iştirak üçün könüllü komandanlığa ərizə ilə müraicət etsə də, gözlərinin zəif görməsi səbəb gətirib və müraciətini geri çevirilib. Sonradan müraciəti qəbul edilir və o döyüşlərə qatılır.

Oktyabr ayının 31-də Xocavənd uğrunda gedən döyüşlərdə şəhid olub. Noyabr 3-də Şahbuz rayon Yuxarı Qışlaq kənd məzarlığında dəfn olunub.

Şəhid Qəşəm Səfərov Prezident İlham Əliyevin sərəncamı ilə "Vətən uğrunda” və “Xocavəndin azad olunmasına görə” medalları ilə təltif olunub.