Hərbi xidmət müddətində "Azərbaycan Silahlı Qüvvələrinin 90 illiyi (1918-2008)" , "Azərbaycan Silahlı Qüvvələrinin 95 illiyi (1918-2013)" , "Azərbaycan Ordusunun 100 illiyi (1918-2018)" , II və III dərəcəli "Qüsursuz xidmətə görə" medalları ilə təltif edilmişdir. 27 sentyabr 2020-ci ildən başlayan Vətən Müharibəsində kapitan Fizuli Əliyev də iştirak etmişdir. O, Suqovuşan döyüşlərində vuruşmuş, 8 oktyabr 2020-ci ildə Suqovuşan istiqamətində gedən döyüşlərdə döyüş tapşırığını yerinə yetirərkən şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən, kapitan Fizuli Əliyev ölümündən sonra "Vətən uğrunda" medalı ilə təltif edilib.