Azərbaycan üçün önəmli olan Qarabağ münaqişəsi 30 ildən sonra öz həllini tapdı. Deyirlər, torpaq uğrunda ölən varsa, Vətəndir! Qarabağı azadlığa qovuşduran isə müqəddəs şəhidlik məqamına yüksələn neçə-neçə cəsur, mərd qəhrəmanlar oldu. Bu qəhrəmanlardan biri də Azərbaycan Ordusunun əsgəri olan Asif Əhmədovdur.
Əhmədov Asif Vasif oğlu 2001-ci il, aprelin 4-də Şəki şəhərinin Oxud kəndində anadan olub.
2006-cı ildə N.Hümmətov adına məktəbin 1-ci sinfinə daxil olub.2019-cu ilin aprelində həqiqi hərbi xidmətə yollanıb. Hərbi vəzifə borcunu Bakıda yerinə yetirib. 2020-ci il,oktyabrın 4-də hərbi xidməti bitirib. Lakin Asif Əhmədov 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb.
2020-ci il oktyabrın 10-da Gecəgözlü kəndində qəhrəmancasına Şəhid olub. .2020-ci il,oktyabrın 25-də Şəki şəhər Oxud kəndində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən,Asif Əhmədov ölümündən sonra "Vətən uğrunda" medalı ilə təltif edilib.
