Ağabəy Zaur oğlu Məmmədquliyev 2001-ci il iyunun 15-də Qaradağ rayonu Korgöz qəsəbəsində anadan olub.

Ağabəy Məmmədquliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak edib.

O, Müharibə zamanı atıcı qumbaraatan köməkçisi kimi hərbi xidmətini yerinə yetirib. Talış və Suqovuşan kəndləri istiqamətində döyüş yolu keçib.

Ağabəy Məmmədquliyev 2020-ci il sentyabrın 29-da həmin istiqamətdə döyüşlər zamanı şəhid olub.

Azərbaycan Prezidenti İlham Əliyevin müvafiq sərəncamna əsasən “Suqovuşanın azad olunması görə” medalı ilə təltif edilib.