Şəfizadə Saleh Samir oğlu 2001-ci ildə Bakının Maştağa qəsəbəsində anadan olub. Vətən Müharibəsində iştirak edən Saleh Füzuli rayonunun işğaldan azad olunması zamanı yaralanıb. Silahlı Qüvvələrin Baş Kliniki Hospitalında müalicə alan qazimiz 8 fevral 2021-ci ildə şəhidlik zirvəsinə ucalıb.

Azrbaycan Müdafiə Nazirliyinin məlumatında bildirilir ki, Şəfizadə Saleh Samir oğlu ötən il noyabrın 11-də Silahlı Qüvvələrin Baş Klinik Hospitalına qəbul olunub: "Tibb müəssisinə gətirilərkən o, koma vəziyyətində olub. Hərbi həkimlərin səyinə baxmayaraq, S.Şəfizadə bu il fevralın 8-də vəfat edib. Müdafiə Nazirliyinin rəhbərliyi hərbi qulluqçunun yaxınlarına dərin hüznlə başsağlığı verir".

Saleh döyüşlərdə göstərdiyi mərdliyə görə, "Vətən Müharibəsi Qəhrəmanı" , "Vətən uğrunda" , "Füzulinin azad olunmasına görə" , "Xocavəndin azad olunmasına görə" medalları ilə təltif edilib.