Vətən müharibəsində böyük şücaət göstərən igidlərdən biri də Mirzəliyev Aqil Mehman oğlu olub.

İsmayıllı rayon sakini 21 yaşlı Aqil Mirzəliyev bir çox rayon və kəndlərin işğaldan azad edilməsində iştirak edib.

Aqil Mirzəliyev - qələbəni bizə daddırarkən şəhid olan 2783 igidimizdən biri. O, 1999-cu il avqust ayının 27-də İsmayıllı rayonunda anadan olmuşdur. 2005-2016-cı illərdə İsmayıllı rayonunda İsrail Həsənov adına 1 saylı tam orta məktəbdə təhsil almışdır. Məktəb illərində intellektual səviyyəsi ilə daim seçilən Aqil dəfələrlə respublika fənn olimpiadalarında, bilik və intellektual yarışlarda çempion olmuşdur. İsmayıllıda böyüyən şəhidimiz Azərbaycan Dövlət İqtisad Universitetinə 613 balla qəbul olunub. Ali məktəbi bitirdikdən sonra hərbi xidmətə yollanıb. Xüsusi Təyinatlı Qüvvələrin əsgəri olan Aqilin həqiqi hərbi xidməti İkinci Qarabağ müharibəsinə təsadüf edir. Müharibə dövründə ailəsindən döyüşlərdə olduğunu gizlin saxlamağa çalışır. Telefon danışıqlarının birində anasına "Murovu biz almışıq"deyir. Ailəsi Aqilin döyüşlərdə olduğunu belə öyrənir.

Aqil Mirzəliyev Murov, Hadrut, Xocavənd, Cəbrayıl, Füzuli istiqamətlərində gedən döyüşlərdə iştirak edib. Aqil Mirzəliyev 20 oktaybr 2020-ci ildə Xocavənd rayonunun Tuğ kəndi istiqamətində gedən döyüşlərdə qəhrəmancasına şəhid olub və oktyabr ayının 23-ü Şəhidlər Xiyabanında dəfn edilib.

Prezident İlham Əliyevin müdafiq Sərəncamlarına əsasən “C” ,və“Xocavəndin azad olunmasına görə” medalları ilə təltif edilib .