Paşayev Cavid Vəlican oğlu 01.01.1997-ci il tarixdə Cəlilabad rayonu Gülməmmədli kəndində anadan olub.

Qubadlı istiqamətində düşmən tərəfindən atılan artilleriya mərmisi nəticəsində şəhid olub.
Göstərdiyi qəhrəmanlıqlara görə, "Vətən uğrunda" , "Cəbrayılın azad olunmasına görə" və "Qubadlının azad olunmasına görə" və "Cəsur döyüşçü" medalları ilə təltif edilib.

Sinəsində Vətən, torpaq sevgisini yaşadan Cavid Paşayev Vətən müharibəsinə könüllü getmişdi. Bilirdi ki, övladı dünyaya gələcək, özü də oğul övladı. Lakin torpağı hər şeydən üstün tutdu Cavid Paşayev. Bilirdi ki, ya qazi olacaq, ya da şəhid. Hər ikisini göz önünə alan Cavid vəsiyyətini də etmişdi:-“Şəhid olaramsa, oğluma öz adımı verərsiniz”.

Vətən müharibəsində mənfur düşmənə qarşı savaşda torpaqlarımızı işğalçılardan azad edərkən şəhidlik zirvəsinə ucalan cəlilabadlı Cavid Paşayevin oğlu dünyaya gəlib.