Orta təhsil alıb, hərbi xidmətdən qayıtdıqdan sonra ilahiyyatçı olaraq çalışıb, ruhani alim və dini şeyx olub.

24 yaşlı ruhani alim Elməddin Vəlişov hələ Tovuz hadisələri zamanından səfərbərlik xidmətinə müraciət edərək, döyüşlərə yollanmaq üçün adını könüllülər sırasına yazdırmışdı. Vətən müharibasi başlanan zaman döyüşlərə çağrılandan sonra Füzuli, Qubadlı eləcə də Xocavəndin bir sıra kəndlərinin işğaldan azad olunması uğrunda gedən döyüş əməliyyatlarında öz şücaəti ilə fərqlənib. Elməddinin son döyüş yolu isə Qubadlı istiqamətində olub , 11 noyabr 2020-ci ildə şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elməddin Vəlişov ölümündən sonra "Vətən uğrunda" medalı ilə təltif edilib.

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Elməddin Vəlişov ölümündən sonra "Cəbrayılın azad olunmasına görə" medalı ilə təltif edilib.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Elməddin Vəlişov ölümündən sonra "Qubadlının azad olunmasına görə" medalı ilə təltif edilib.