Kazım Məmmədsalahov 1989-cu il mayın 7-də Şəki rayonunun Qoxmuq kəndində anadan olub.

O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak edib.

Müharibə zamanı mexanik sürücü kimi hərbi xidmətini yerinə yetirən Kazım Talış və Suqovuşan istiqamətlərində döyüş yolu keçib.

Kazım Məmmədsalahov 2020-ci il oktyabrın 7-də Talış və Suqovuşan istiqamətlərində gedən döyüşlər zamanı şəhid olub.

Azerbaycan Respublikası Prezidenti İlham Əliyevin müvafiq sərəncamına əsasən Kazım "Suqovuşanın azad olunmasına görə" medalı ilə təltif edilib.