Dadaşlı Orxan Elxan oğlu 25 yanvar 1997-ci il tarixində Lənkəran rayon Darquba kəndində anadan olub. 2002-ci ildə orta məktəbinə gedib və 2013-ci ildə həmin məktəbi bitirib. 2013-2014-cü illərdə həqiqi hərbi xidmətdə olub. 2020-ci ilin sentyabr ayının 29-da qismən səfərbərliklə hərbi xidmətə yollanıb.
Qəhrəman əsgər Vətən müharibəsi zamanı Cəbrayılın, Qubadlının və Şuşanın azadlığı uğrunda gedən döyüşlərdə iştirak edib. Orxan Dadaşlı noyabrın 9-da Şuşa döyüşləri zamanı şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Orxan Dadaşlı ölümündən sonra "Vətən uğrunda","Cəbrayılın azad olunmasına görə"və "Qubadlının azad olunmasına görə" medalları ilə təltif olunub.
