Vətən Müharibəsində şəhid olmuş qəhrəmanlarımızdan biri də Ağabala İlqar oğlu Ağayevdir. O, 1997-ci il martın 3-də Şabran rayonunun Çölquşçu kəndində anadan olub. Azərbaycan Ordusunun kiçik çavuşu Ağabala Ağayev Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə vuruşub. Oktyabrın 12-də Füzuli döyüşləri zamanı şəhid olub. Şabran rayonunun Çölquşçu kəndində dəfn edilib.
Prezident İlham Əliyevin sərəncamlarına əsasən Ağabala Ağayev ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.
