Həqiqi hərbi xidmətini Fövqalədə Hallar nazirliyində keçib. Leytenant hərbi rütbəsinə layiq görülüb. Azərbaycan Ordusunun leytenantı, tağım komandiri Pərvin Əlizadə 2020-ci il sentyabrında başlayan Vətən müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb. Pərvin Əlizadə 2020-ci il oktyabrın 20-də Ağdərə istiqamətindəki "Tülkü dərəsi" deyilən yerdə 703 saylı hərbi hissənin 5-ci bölüyünün 12-ci postunda şəhid olub. Bərdə rayonunun Birinci Qazaxlar kəndində dəfn edilib.



Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Pərvin Əlizadə ölümündən sonra "Vətən uğrunda" medalı, digər Sərəncamlara əsasən “Suqovuşanın azad olunmasına görə” və "Cəsur döyüşçü" medalları ilə təltif edilib.