2020-ci ilin iyulunda hərbi xidmətə çağırılan Şahmar Seyidov Talış-Suqovuşan istiqamətində bölgəsində döyüşüb. Ərazilərimizin azad olunması uğrunda aparılan Vətən müharibəsinni ən qızğın dövründə - 2020-ci il oktyabrın 11-də həmin istiqamətdə gedən döyüşlərdə şəhidlik zirvəsinə ucalıb.

Doğma şəhəri olan Mingəçevirdə dəfn olunan Şahmar Seyidov haqqında onunla birgə hərbi xidmət edən Fərahim Hüseynovun dedikləri: "Mənim əsgər dostum həlak olub. Biz 6 ay bir yerdə xidmət etmişik, sonra ayrıldıq. O hamıya kömək edirdi, elə yaxşı oğlan idi ki. Rahat yat, dostum!".

Azərbaycan Prezidenti İlham Əliyevin Sərəncamına əsasən Şahmar Fikrət oğlu Seyidov ölümündən sonra "Suqovuşanın azad olunmasına görə" medalı ilə təltif edilib.