44 gün davam edən Vətən Müharibəsi nəticəsində Azərbaycan öz dədə-baba torpaqlarını mənfur düşməndən xilas etdi. Torpaqlarımızın işğaldan azad edilməsində Azərbaycanın vətənpərvər oğulları canlarından keçiblər. Vətən Müharibəsində şəhid olmuş qəhrəmanlarımızdan biri də 18 yaşlı Əlidir. Şəhid Əli Bəxtiyar oğlu İbrahimov 11 fevral 2002-ci ildə Quba rayonunda dünyaya gəlib.
Əlinin hərbi xidmət dövrü II Qarabağ savaşının başladığı Vətən müharibəsi dövrünə təsadüf edib. O, 4 may 2020-ci ildə hərbi xidmətə çağırılıb. Talış, Suqovuşan bölgəsində döyüşüb. 14 oktyabr 2020-ci ildə müharibənin qızğın dövründə 18 yaşlı gənc Əli döyüşərək şəhid olub.
Müharibədəki xidmətlərinə görə ölümündən sonra Prezident Sərəncamına əsasən, Əli Bəxtiyar oğlu İbrahimov "Suqovuşanın azad olunmasına görə" medalı ilə təltif edilib.
