Kənan Quliyev 11 sentyabr 1992-ci ildə Naxçıvan Muxtar Respublikasının Culfa şəhərində anadan olub. 2019-cu ildə müddətdən artıq hərbi qulluqçu kimi Əlahiddə Ümumqoşun Orduda xidmətə başlayıb.

O, müzəffər Ordumuzun qələbəsilə başa çatan Vətən müharibəsində xüsusi şücaətləri ilə fərqlənib. Naxçıvandan döyüşə yollanan K.Quliyev 21 oktyabrda Xocavənd istiqamətində şəhidlik zirvəsini fəth edib.

İgid hərbçimiz döyüşlərdə göstərdiyi şücaətə görə ölümündən sonra “Vətən uğrunda” medalı, “Şuşanın azad olunması uğrunda” medalı və “Hərbi xidmətə görə” medalları ilə təltif olunub.