2015-ci ildə Milli Orduda xidmətə yollanıb. Əsgərliyini Naxçıvanda kəşfiyyatçı kimi çəkib. İdmanın güləş növü iə məşğul olan Elnur, müxtəlif yarışlarda birinci yerə çıxıb. Onun peşəkar hərbçi olmaq üçün potensial imkanlarını görən türk zabitlər altı aylıq təlimlərə qatılmasına şərait yaradıb. Həmin təlimlərdə yüksək nəticə göstərdiyinə görə Fəxri Fərmanla təltif edilib.

Elnur Tağıyev, 29 sentyabr 2020-ci ildə Fizuli, Cəbrayıl, Qubadlı istiqamətində döyüşlərə qatılıb. 26 oktyabr 2020-ci il tarixində Qubadlı uğrunda gedən ağır döyüşlərin birində qəhrəmancasına şəhid olub.


Azərbaycan Respublikasının Prezidenti İlham Əliyevin sərəncamlarına əsasən ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib.