Şəhidlik Vətən, torpaq, böyük amallar uğrunda candan keçmək, özünü bu yolda qurban verərək ömür payını gələcək nəsillərin xoşbəxtliyinə bağışlamaqdır. Həyatda ən böyük xoşbəxtlik də elə Vətən yolunda şəhid olmaqdır. O xoşbəxtlərdən biri də Mikayıldır.
Əhmədov Mikayıl Hümbət oğlu 1993-cü il, iyulun 24-də Qəbələ rayonunun Savalan kəndində anadan olub. Vətən müharibəsi başlayanda Səfərbərlik və Hərbi Xidmətə Çağırış üzrə Dövlət Xidməti tərəfindən müharibəyə cəlb olunan Mikayıl qarşısında qoyulmuş tapşırıqların icrası zamanı vəzifə borcunu şərəflə yerinə yetirib, qəhrəmancasına döyüşüb.
2020-ci il, noyabrın 3-də Şuşa istiqamətində gedən döyüşlərdə qəhrəmancasına Şəhid olub.
Azərbaycan Ordusunun əsgəri Əhmədov Mikayıl Azərbaycan Prezidenti İlham Əliyevin sərəncamı ilə ölümündən sonra "Vətən uğrunda", "Füzulinin azad olunmasına görə", "İgidliyə görə" və "Şuşanın azad olunmasına görə" medalları ilə təltif edilib.
