Bakı şəhərində Laçın rayonu 3 saylı tam orta məktəbdə təhsil alıb, 2014-cü ildə məzun olub. Uşaqlıqdan onun idmana böyük həvəsi var idi. Futbola olan marağı onun “Qarabağ” futbol komandasında azyaşlılar üçün təşkil edilmiş qrupa üzv olmasına səbəb olmuşdu.

Elvin Silahlı Qüvvələrin Təlim və Tədris Mərkəzində fəaliyyət göstərən qoşun kəşfiyyatı taqım komandiri müavini – qrup komandiri kursunu bitirib. O, gizir kursunu bitirmə haqqında sertifikat alıb.

Hərbi xidmətdə olarkən çevikliyi, hərbi bacarğı ilə digərlərindən fərqlənib.

E.Şirinov Vətən müharibəsində Füzuli rayonu istiqamətində gedən döyüşlərədə iştirak edib. Oktyabrın 26-da Füzulidə qəhrəmancasına şəhid olub.

Prezident İlham Əliyevin müvafiq sərəncamları ilə gizir Şirinov Elvin Elsevən oğlu Vətən müharibəsində göstərdiyi şücaət və qəhrəmanlıqlara görə ölümündən sonra “Vətən uğrunda”, “Şuşanın azad olunmasına görə”, “Füzulinin azad olunmasına görə” və “Döyüşdə fərqlənməyə görə” medalları ilə təltif olunub.