2016-cı ildə isə həmin məktəbdən məzunu olan Əli 2020-ci ildə hərbi xidmətə yola düşür. O, atasına və dostlarına əgər lazım gələrsə, Vətən uğrunda canını əsirgəməyəcəyini, arzularının içində şəhadətə qovuşmağın ön sırada olduğunu söyləmişdi.

Vətən Müharibəsi zamanı döyüşlərdə böyük mərdlik və qəhrəmanlıq göstərib. Əli Bayramov 2020-ci il,oktyabr ayının 5-i Füzuli rayonu istiqamətində gedən döyüşlərdə düşmən tərəfindən atılan artilleriya atəşi nəticəsində şəhid olub. Beləcə, arzusuna çatan Şəhidimiz Binəqədi qəsəbəsi ərazisində yerləşən Vətən Müharibəsi Şəhidlərinin uyuduğu qəbiristanlıqda dəfn edilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən, Əli Bayramov ölümündən sonra "Vətən uğrunda" medalı ilə təltif edilib.


Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən, Əli Bayramov ölümündən sonra "Şuşanın azad olunmasına görə" medalı ilə təltif edilib.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən, Əli Bayramov ölümündən sonra "Füzulinin azad olunmasına görə" medalı ilə təltif edilib.

Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən, Əli Bayramov ölümündən sonra "İgidliyə görə" medalı ilə təltif edilib.