Birinci Qarabağ müharibəsi zamanı cəbhənin Füzuli istiqamətində gedən döyüşlərdə fəal iştirak edən Tofiq Kərimov 1998-2004 cü illərdə Xüsusi Təyinatlı Qüvvələrdə, 2004-2010-cu illərdə isə kəşfiyyat bölüyündə xidmət etmişdir. 2010-cu ildə öz istəyi ilə silahlı qüvvələrdən ehtiyyata buraxılmışdır.

Azərbaycan Ordusunun mayoru olan Tofiq Kərimov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Şuşanın azadlığı uğrunda gedən döyüşlərdə fəal iştirak edərək şücaət göstərmişdir.

Tofiq Kərimov noyabrın 8-də Şuşa döyüşləri zamanı qəhrəmancasına şəhid olub.

Tofiq Kərimov President İlham Əliyevin müvafiq Sərəncamlarına əsasən bir sıra medallarla təltif edilmişdir:

— III dərəcəli "Qüsursuz xidmətə görə" medalı
— "Azərbaycan Silahlı Qüvvələrinin 10 illiyi" yubiley medalı
— "Azərbaycan Silahlı Qüvvələrinin 90 illiyi" yubiley medalı
— "Azərbaycan Silahlı Qüvvələri Veteranı" medalı
— "Azərbaycan Silahlı Qüvvələrinin 95 illiyi" yubiley medalı
— "Azərbaycan Ordusunun 100 illiyi" yubiley medalı
— "Vətən uğrunda" medalı (ölümündən sonra)
— "Şuşanın azad olunmasına görə" medalı (ölümündən sonra)
— "İgidliyə görə" medalı

memorial.az