Kərimov Emil İlqar oğlu 1993-cü il sentyabrın 7-də Qazax rayonunun İkinci Şıxlı kəndində anadan olub. 2000-ci ildə Qazax rayon Valeh Musayev adına İkinci Şıxlı kənd tam orta məktəbin I sinfinə daxil olub, 2011-ci ildə həmin məktəbin XI sinfini bitirib. 2011-ci ilin oktyabr ayında Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Qazax Rayon Şöbəsi tərəfindən Azərbaycan Silahlı Qüvvələrinə həqiqi hərbi xidmətə çağırılıb, 2013-cü ilin aprel ayında tərxis olunub.
Emil 25 oktyabr 2020-ci il tarixdə Füzuli-Cəbrayıl bölgəsində gedən döyüşlərdə qəhrəmancasına şəhid olub. Doğulub boya-başa çatdığı İkinci Şıxlı kənd qəbiristanlığında izdihamla dəfn edilib.
Ailəliydi, iki azyaşlı övladı - Nazənin adlı qızı, Amin adlı oğlu yadigar qalıb.
Ali Baş Komandan İlham Əliyevin sərəncamlarına əsasən “Vətən uğrunda”, “Döyüşdə fərqlənməyə görə” və "Füzulinin azad olunmasına görə” medalları ilə təltif olunub.
