Daşdəmirov Rəvan Məzahir oğlu 6 mart 1994-cü ildə Gəncə də anadan olub. 2000-ci ildə Gəncə şəhər 29 nömrəli orta məktəbin 1-ci sinfinə daxil olub, 2011-ci ildə həmin məktəbin 11-ci sinfini bitirib. Elə həmin il Azərbaycan Dövlət Aqrar Universtetinin İnformasiya texnologiyaları mühəndisliyi fakültəsinə qəbul olub, 2015-ci ildə ali məktəbi bitirib və həqiqi hərbi xidmətə yollanıb. Hərbi xidmətdən qayıtdıqdan sonra ixtisasına uyğun sahədə çalışıb.
Anasının sözlərinə görə, Rəvan özünü daim ən təhlükəli döyüşlərə atır, həm də silahdaşlarını qorumağa çalışıb. Elə dostunun ağır yaradan ölməsinin qarşısını da onun zamanında müdaxiləsi alıb. Döyüş dostları deyirlər ki, Rəvanın elədiyi qəhrəmanlıqlar çox vaxt onun cüssəsindən, fiziki gücündən böyük olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərancamına əsasən Rəvan Daşdəmirov ölümündən sonra " Vətən uğrunda", "İgidliyə görə" və "Füzulinin azad olunmasına görə" medalları ilə təltif edilib.
Xezerxeber.az mövzu ilə bağlı daha ətraflı videomaterialı təqdim edir:
