Şamxal 2016-2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. Hərbi xidməti Naxçıvan Muxtar Respublikasında keçən Şamxal daim döyüş əzmi ilə fərqlənib.


O, 44 günlük azadlıq savaşına da ailəsindən xəbərsiz yollanıb.Vətən Müharibəsi zamanı Cəbrayıl və Füzuli rayonları istiqamətində gedən döyüşlərə könüllü qoşulub. Şamxal Əjdərli oktyabrın 25-də Füzuli döyüşləri zamanı şəhid olub. O, Şəmkir rayonunun Xuluf kəndində torpağa tapşırılıb.


Azərbaycan Prezidenti İlham Əliyevin sərəncamı ilə Şamxal Əjdərli ölümündən sonra "Vətən uğrunda", "Döyüşdə fərqlənməyə görə" və "Füzulinin azad olunmasına görə" medalları ilə təltif edilib.







2021-ci il, iyunun 21-də Yeni Azərbaycan Partiyası (YAP) Şəmkir rayon təşkilatının nümayəndələri Vətən müharibəsində qəhrəmancasına şəhid olmuş Şəmkir rayonunun Xuluf kəndindən olan kapitan Qəhrəmanov Ruslan Mehman oğlunun, Əjdərli Şamxal Maarif oğlunun, Alızadə Seymur Mirzə oğlunun və Şəmkir rayonunun Ələsgərli kəndindən olan Nəbiyev Zaur Ələddin oğlunun qəbirlərini ziyarət ediblər, sonra isə ailələri ilə görüş keçirilib.
Görüşlərdə Vətən Müharibəsi şəhidlərinə, qazilərinə və iştirakçılarına qarşı cənab Prezident İlham Əliyevin doğma münasibətindən bəhs edən YAP Şəmkir rayon təşkilatının sədri Fəxrəddin Vəliyev deyib ki, Şəmkir rayonunda hər bir ailə cənab Prezidentin tapşırıq və tövsiyyələrinə uyğun olaraq diqqətdə saxlanılır, onların qarşıya çıxmış hər bir probleminə həssaslıqla yanaşılır.