Şəhriyar Müzəffər oğlu Məmmədov 1999-cu il fevralın 22-də Naxçıvan şəhərində anadan olub. 2006-cildə məktəbə ilk qədəmlərini qoyan Şəhriyar 2013-cü ildə hərb sənətinə yiyələnmək üçün Heydər Əliyev adına hərbi liseyə qəbul olub. 2016-cı ildə oranı bitirərək, leytenant rütbəsi ilə Vətənə xidmətə başlayıb.
Azərbaycan Ordusunun leytenantı olan Şəhriyar Məmmədov 2020-ci il sentyabrın 27-də başlayan Vətən müharibəsi zamanı Xocavəndin azadlığı uğrunda gedən döyüşlərdə iştirak edib. Oktyabrın 11-də Xocavənd döyüşləri zamanı şəhid olub. Naxçıvan şəhərində torpağa tapşırılıb.
Azərbaycan Prezidenti İlham Əliyevin sərəncamlarına əsasən ölümündən sonra "Vətən uğrunda", "Xocavəndin azad olunmasına görə" medalları və "Vətənə xidmətə görə" (3-cü dərəcəli) ordeni ilə təltif edilib.
