2021/05/Seymu-1621795151.jpg

line
Soyad: Alızadə
Ad: Seymur
Ata adı: Mirzə
Doğum tarixi: 13.01.1998
Şəhid olub: 26.10.2020
Rütbə: əsgər
Təltifləri
«Vətən uğrunda» medalı«Döyüşdə fərqlənməyə görə» medalı«Füzulinin azad olunmasına görə» medalı
Seymur Mirzə oğlu Alızadə 1998-ci il, yanvarın 12-də Şəmkir rayonunun Xuluf kəndində doğulub. 2004–2015-ci illərdə R. İsmayılov adına 2 saylı Xuluf kənd tam orta məktəbində təhsil alıb. Orta məktəbi bitirdikdən sonra hərbi xidmətə yollanıb.

2016–2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2016-cı ilin aprel döyüşlərində Lələtəpə uğrunda gedən döyüşlərdə iştirak edib.

İkinci Qarabağ müharibəsi başlayanda torpaq, vətən sevgisi, bir də şəhid dayısı Rövşən İsmayılovun qisasını almaq ehtirası onu yenidən cəbhəyə yollanmağa vadar edib. Əsgər Alızadə Cəbrayıl və dayısının şəhid düşdüyü Füzuli rayonunun azadlığı uğrunda döyüşlərə qoşulub. Yaxınlarına "torpaqlarımız azad olmayınca qayıtmayacağam, dayımın qanını yerdə qoya bilmərəm, özümə söz vermişəm", deyən Seymur sözünü tutub, lakin oktyabrın 26-da Füzuli döyüşləri zamanı şəhid olub. Şəhid Alızadə doğulduğu Xuluf kəndində dəfn edilib.

İki övladı yadigar qalıb.

Ölümündən sonra Seymur Alızadə ərazi bütövlüyümüzün təmin edilməsi uğrunda döyüş əməliyyatlarında iştirak etdiyinə və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə Azərbaycan Prezidenti İlham Əliyevin 15.12.2020-ci il tarixli Sərəncamına əsasən "Vətən uğrunda" , cəsarət və fədakarlıq göstərdiyinə, habelə təşəbbüskar və qətiyyətli addımlar nümayiş etdiyinə görə Prezidentin 18.12.2020-ci il tarixli Sərəncama əsasən "Döyüşdə fərqlənməyə görə" , 25.12.2020-ci il tarixli Sərəncama əsasən "Füzulinin azad olunmasına görə" medalları ilə təltif edilib.