44 gün davam edən Vətən Müharibəsi nəticəsində Azərbaycan öz doğma torpaqlarına qovuşub.

Torpaqlarımızın işğaldan azad edilməsi üçün Azərbaycanın vətənpərvər oğulları canlarından keçiblər.

Vətən Müharibəsində Silahlı Qüvvələrimizin 2783 hərbi qulluqçusu həlak olub. İkinci Qarabağ Müharibəsində şəhid olmuş qəhrəmanlarımızdan biri də Şahbabayev Güləddin Zəfər oğludur.

O, 21 may 2001-ci ildə Şabran rayonunun Düz Bilici kəndində anadan olub.

Ailədə üç uşaq olublar. Güləddin ailənin böyük oğlu olub. 2019-cu ildə Cəlillabad rayonuna hərbi xidmətə gedib. O, şəhid olan zaman bir il üç ayın əsgəri olub. 2021-ci ilin yanvar ayında tərxis olunacaqdı.

Azərbaycan Ordusunun əsgəri olan Güləddin Şahbabayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Kəlbəcər, Cəbrayıl, Füzuli və Xocavənd rayonlarının işğaldan azad olunmasında fəal iştirak edib. Güləddin Şahbabayev oktyabrın 17-də Füzuli döyüşləri zamanı şəhid olub. Şabran rayonunda dəfn olunub.

O, oktyabrın 17-də Füzulidə şəhid olub və öz kəndində dəfn olunub.

Ölümündən sonra Azərbaycan Respublikası Prezidentinin müvafiq Sərəncamları ilə bir sıra medallar təltif edilmişdir:


1. “Cəsur döyüşçü” medalı;
2.“Vətən müharibəsi iştirakçısı” medalı;
3.“Kəlbəcərin azad olunmasına görə” medalı;
4.“Xocavəndin azad olunmasına görə” medalı;
5. “Şücaətə görə” medalı.