Konservatoriyanı bitirdikdən sonra Vətən sevgisi onu hərbçi olmağa vadar edib. Vüsal 7 il ərzində hərbçi kimi xidmət edib. O, Tovuz döyüşlərində fəallıq nümayiş etdirib. Vətən müharibəsində isə Murov uğrunda gedən döyüşlərdə iştirak edib. Çox sayda yaralı əsgərin döyüş xəttindən çıxarılmasında böyük qəhrəmanlıqlar edib. Hərbçimiz daha sonra Kəlbəcər, Cəbrayıl və Füzuli uğrunda gedən döyüşlərdə şücaət göstərib. Vüsal oktyabrın 29-da "Ural" maşını Füzulidə vurulması nəticəsində neytral zonada şəhid olub. Hərbçimiz dekabrın 15-də ailəsinə təhvil verilib və dəfn edilib. Onun özündən sonra iki övladı yadigar qalıb. Vüsal ölümündən sonra "Kəlbəcərin azad olunmasına görə”, “Cəbraylın azad olunmasına görə”, “Füzulinin azad olunmasına görə”, “Xocavəndin azad olunmasına görə”, “Vətən müharibəsi iştirakçısı” və “Cəsur döyüşçü” medalları ilə təltif edilib.





memorial.az