Hüseyin Əsgərov 1995-ci il iyunun 3-də Gədəbəy rayonunun Qoşabulaq kəndində anadan olub. 2001-2012-ci illərdə həmin kənddə orta təhsil alıb.2013-2015-ci illərdə Vətən qarşısında borcunu yerinə yetirmək üçün hərbi xidmətdə olub.Həmin müddətdə dəfələrlə fəxri fərman və təşəkkürnamələrə layiq görülüb.
H.Əsgərov 2017-ci ildə müddətdən artıq həqiqi hərbi xidmətə yollanıb.
Azərbaycan Ordusunun əsgəri olan Hüseyn Əsgərov 2020-ci il sentyabrın 27-də başlanan Vətən müharibəsi zamanı Murovdağ istiqamətində gedən döyüşlərdə savaşıb. Hüseyn Əsgərov sentyabrın 27-də Murovdağ döyüşləri zamanı şəhid olub. Uzun müddət nəşi tapıla bilməyib.
Dekabrın 19-da Gədəbəy rayonunda dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Hüseyn Əsgərov ölümündən sonra "Vətən uğrunda" medalı ilə təltif edilib.
